კონტაქტი საიტის რუქა
ENG
  თბილისის კულტურული
ღონისძიებების ცენტრი
მთავარი ჩვენს შესახებ პროექტები სიახლე მედია კონტაქტი
სიახლე

თბილისის მე-17 საერთაშორისო კინოფესტივალი

28.11.2016

თბილისის მე-17 საერთაშორისო კინოფესტივალი

 

24 ნოემბერს, 13:00 საათზე, სასტუმროში ""Rooms Hotel Tbilisi"" (დარბაზი - Master Room), თბილისისმე-17 საერთაშორისოკინოფესტივალისპრესკონფერენციაგაიმართება.

ფესტივალი 28 ნოემბრიდან 3 დეკემბრის ჩათვლით გაიმართება საქართველოს კულტურისა და ძეგლთა დაცვის სამინისტროს, თბილისის მერიის და საქართველოს კინემატოგრაფიის ეროვნული ცენტრის მხარდაჭერით.

თბილისის მე-17 საერთაშორისო კინოფესტივალი წელს პოლიტიკას ეძღვნება. პოლიტიკური კინოსადმი მიძღვნილი სექცია “Bios Politikos”(პოლიტიკური ცხოვრება) მსოფლიოს სხვადასხვა ქვეყნიდან შერჩეულ 10 დოკუმენტურ და მხატვრულ ფილმს აერთიანებს. თითოეული მათგანი არსებულ გლობალურ და ლოკალურ დაძაბულობებს, პოლიტიკური ცხოვრების ყოველდღიურობას, პოლიტიკის მომიჯნავე სფეროებთან ურთიერთობის სირთულეებსა და სხვა მნიშვნელოვან საკითხს ეხმიანება.

28 ნოემბერს 19:00 საათზე კინოთეატრ ამირანში თბილისის მე-17 საერთაშორისო კინოფესტივალი ცნობილი გერმანელი რეჟისორის მარგარეტე ფონ ტროტას ფილმის „როზა ლუქსემბურგის“ ჩვენებით გაიხსნება.

თბილისის კინოფესტივალის ყველაზე მნიშვნელოვანი ნაწილია საერთაშორისო კონკურსი, რომელშიც მონაწილეობს ევროპელი კინორეჟისორების 10 სრულმეტრაჟიანი სადებიუტო ან მეორე მხატვრული ფილმი. ტრადიციულად საუკეთესო ფილმი ოქროს, ხოლო საუკეთესო რეჟისურა  ვერცხლის პრომეთეებით დაჯილდოვდებიან.

საერთაშორისო კონკურსის გამარჯვებულებს ჟიური გამოავლენს. ჟიურის თავმჯდომარე საფრანგეთში მცხოვრები კანადელი მსახიობი და ფრანგული ახალი ტალღის ერთ-ერთი მნიშვნელოვანი წარმომადგენელი ალექსანდრა სტიუარტია. ჟიურის წევრები იქნებიან ასევე - გერმანელი პროდიუსერი პეტერ რომელი, იტალიელი კინორეჟისორი, სცენარისტი და მწერალი დავიდე ფერარიო, შვედი კინოკრიტიკოსი ევა აფ გეიერსტამი და ქართველი კინოპროდიუსერი გია ბაზღაძე.

წელს მეოთხედ გაიმართება ეროვნული კონკურსი, რომელიც ქართული პანორამის ფარგლებში ტარდება და მასში წინა წლებისგან განსხვავებით, სრულმეტრაჟიანი მხატვრული, მოკლემეტრაჟიანი და დოკუმენტური ფილმები მიიღებენ მონაწილეობს. შესაბამისად,  გამარჯვებულები 3 ნომინაციაში გამოვლინდებიან: საუკეთესო სრულმეტრაჟიანი მხატვრული ფილმი, საუკეთესო მოკლემეტრაჟიანი ფილმი, საუკეთესო დოკუმენტური ფილმი. ჟიურის წევრები კი გერმანელი კინომცოდნე და კრიტიკოსი ულრიხ და ერიკა გრეგორები და საფრანგეთში მცხოვრები ამერიკელი კინოკრიტიკოსები ლისა ნესელსონი და გლენ მირენი იქნებიან.

თბილისის მე-17 საერთაშორისო კინოფესტივალს 3 დეკემბერს 19:00 საათზე ირანელი რეჟისორის აბას კიაროსტამის ბოლო მოკლემეტრაჟიანი ფილმი „წამიყვანე სახლში“ დახურავს.

ფესტივალის გენერალური სპონსორია აჭარანეტი. ქართულ პანორამას წარმოადგენს „პაშა ბანკი“. პოლიტიკის სექციის მხარდამჭერია ფონდი ღია საზოგადოება საქართველო. ფესტივალის ოფიციალური მასპინძლია  სასტუმრო „რუმს თბილისი“. 

დაინტერესებულ პირებს გთხოვთ მობრძანდეთ შემდეგ მისამართზე: მ. კოსტავას ქუჩა, #14

წინა შემდეგი


“ძუნწი და უჩინმაჩინის ქუდი”
18.12.2016  


ქართული ხელნაკეთი პროდუქციის საახალწლო გამოფენა-გაყიდვა
16.12.2016  


ანსამბლ „შავნაბადას“ მე-9 დისკის პრეზენტაცია
16.12.2016  


გამოფენა „იაკობ ნიკოლაძე 140“
29.11.2016  


„ქართული დამწერლობა და ტიპოგრაფიკა, ისტორია, თანამედროვეობა" წიგნის პრეზენტაცია
28.09.2016  


საერთაშორისო მუსიკალური ფესტივალი ”შემოდგომის თბილისი” 17 სექტემბერს იწყება
17.09.2016  


სამეცნიერო-ლიტერატურული გამოცემა - „ქართული ალმანახის“ I ნომერი
11.09.2016  


4 სექტემბერს თბილისში ლიანა ისაკაძის საიუბილეო გალა კონცერტი გაიმართება
04.09.2016  


გამოიცა ვიტალი ქენქაძის წიგნი „ქსნის ერისთავები“
31.07.2016  


დავით ალექსიძის ნამუშევრების კატალოგი
31.07.2016  


"ვეფხისტყაოსნის" მოკლე შინაარსის პოეტური თარგმანი რუსულ ენაზე
09.06.2016  


„ქართული საბავშვო პოეზიის ანთოლოგია - შიო მღვიმელი 150“
01.06.2016  


"მეფე ლირი"
28.05.2016  


გალა გალერეის კატალოგი G Gala Gallery გამოიცა
24.05.2016  


„დრო და დრამები“
13.05.2016  


„ვეფხისტყაოსნის“ გამოცემათა ილუსტრირებული ბიბლიოგრაფია
28.04.2016  


სანკტ-პეტერბურგის ეიფმანის საბალეტო დასის შედევრი თბილისის ოპერისა და ბალეტის თეარის სცენაზე
15.04.2016  


საქართველოს ბავშვთა და ახალგაზრდული საგუნდო კოლექტივების მეორე ეროვნული კონკურსი
15.04.2016  


მოძრავი ფილარმონიის ღია კონცერტები დიდუბე-ჩუღურეთის მოსახლებისთვის
11.04.2016  


დღეს თბილისის მოდის კვირეულის მე-13 სეზონი იხსნება
31.03.2016  

1 2 3
    მთავარი  |   ჩვენს შესახებ  |   პროექტები  |   სიახლე  |   გალერეა  |   პრესა  |   კონტაქტი © 2014 ყველა უფლება დაცულია
    Created by DAVIDRIKI